كتب علم النفس بتوضح ازاي الرسم ممكن يكون دليل علي نفسية الطفل
حاجة من الحاجات الي الأطفال بيحبوها جدا هي الرسم و التلوين. الفنان بيكاسو، مؤسس المدرسة الفنية التكعيبية، بيقول إن كل الأطفال بتتولد
  فنانين. بس خلينا نسأل نفسنا كده كتب علم النفس

هل الرسم بالنسبة للأطفال مجرد هواية و حاجة بيحبوا يعملوها؟ ولا الموضوع ليه أبعاد تانية؟

كتب علم النفس

خليني أقولك عزيزي القارئ إن الرسم حاجة من الحاجات اللي ممكن تديلك مؤشر واضح عن حاجات كتير طفلك مش قادر يقولها لفظيا، و بيكون الرسم وسيلة فعالة جدا عشان تفهم دوافع طفلك الحقيقية و مشاعره. كمان لو إبنك عنده مشاكل سلوكية، الرسم وسيلة ممتازة عشان تفهم العوامل النفسية الي أدت للسلوك ده. مش بس كده، الرسم مش مجرد مؤشر بس، في أخصائيين نفسيين كتير بيستخدموه لحل مشاكل الأطفال المختلفة، زي صعوبات التعلم و التأخر الدراسي، كمان للأطفال الي بيعانوا من سوء التوافق الإجتماعي زي طفل عايش سن أكبر من سنه و سوء التوافق الإنفعالي، زي طفل بيجيله نوبات غضب شديدة و حالات الإضطرابات النفسية المختلفة زي إضطراب ما بعد الصدمة.

إزاي الرسم ممكن يساعد الطفل؟تب علم النفس

خلينا نتكلم عن دور الرسم في مسيرة علاج إضطراب ما بعد الصدمة مثلا. الإضطراب دا بإختصار شديد بيحصل بعد صدمة شديدة بيتعرضلها الطفل، الصدمات الي بنعتبرها كبيرة زي محاولة إختطاف أو حادث حريق أو محاولة تحرش لا قدر الله. بيخلي حالة الطفل المزاجية مضطربة بشكل بيأثر علي حياته اليومية. (بيجيله حالات عياط هستيريا كتير من أقل حاجة، مش قادر يلعب، مش قادر يأكل) إستخدام الرسم في الحالات دي بيساعد الطفل يعبر بشكل مباشر عن مشاعره، لأن أوقات كتير قوي الطفل مابيبقاش قادر يعبر عن مشاعره بالكلام، و الرسم بيسعده يفرغ المشاعر السلبية الي متخزنة جواه، و كمان بتوضح تفاصيل كتير للمعالج النفسي أكيد هاتساعده في رحلة العلاج.

كتب علم النفسيبقي إحنا كأهالي، رسم أطفالنا هايفيدنا إزاي؟

يبقي خلينا نتفق عزيزي القارئ إن الرسم مش مجرد هواية، إنما هو نشاط ليه فوائد كتير، زي إنه بيساعدنا نتعرف علي الرغبات و المشاعر الي الطفل ما يقدرش يعبر عنها لفظيا، بيساعدنا ندور علي الصراعات الي بيمر بيها الطفل، بيساعدنا كمان نتعرف علي العلاقات الإجتماعية الي بييعيش فيها الطفل و اللأشخاص المؤثرين في حياته، و المشاعر الي بيحسها تجاههم سواء كانت سلبية أو إيجابية، كمان بنتعرف علي جوانب القوة و الضعف الي موجودة جوا الطفل. لازم نبقي عارفين برضوا إن الطفل في مراحل حياته الأولي بيرسم الي بيعرفه، مش الي بيشوفه، و إن بيكون عنده نفسية تنفوق الإنسان البالغ في الحساسية و الشعور، و هايعبر عنها بشكل إرادي أو غير إرادي. و أكتر وسيلة هايقدر يعبر بيها هي الرسم.

تفاصل كتير جدا بيرسمها الطفل بتعبر عن حاجات كتير شايلها جواه، و لو أخذنا المبادرة إننا نحاول نتعرف علي دلالات التفاصيل دي، هانفهم أطفالنا أحسن بكتير..

طب لو عايز أعرف أكتر عن القصة دي أعمل إيه؟

في كتب علم النفس إتكلمت عن الموضوع دا كثير، زي مثلا كتاب تحليل رسومات الأطفال، و كتاب العلاج بالفن، و كتب تانية كتير.

شاركونا برأيكم و بخبراتكم, و لو عندكوا اى سؤال او استفسار اكتبوه فى Comment

وخلينا نحاول نفهم، عشان نعيش أحسن.

فرح شعراوي 

ممكن تشتروا كتب علم النفس اللى هتساعدكم من هنا 

تحليل رسومات الاطفال

الافعال والاساليب والرموز فى رسم الاسرة المتحركة الدليل التفسيرى

العلاج بالفن

الفن وذوى الاحتياجات الخاصة